O vindeiro mes de marzo, o LIFE Lugo + Biodinámico estará presente no Ciclo de xornadas divulgativas “Construyendo Economía Circular” que se celebran entre Galicia e Asturias. Representantes do proxecto participarán nas dúas xornadas que se desenvolverán en Culleredo e Vegadeo os días 12 e 27 de marzo respectivamente.

A primeira das xornadas terá lugar o día 12 baixo o título “Construyendo Economía Circular en Culleredo” e nela falaremos da proxección e creación do Barrio Multiecolóxico, pioneiro en España, que se está a desenvolver ao abeiro do LIFE Lugo + Biodinámico na área das Gándaras, e que contará co edificio Impulso Verde como estandarte referencial.

A xornada que se celebrará en Vegadeo o 27 de marzo leva por título “Economía circular y construcción sostenible en la reserva de la Biosfera” centrarase nos retos que o cambio climático plantexa para os municipios de tamaño pequeno e medio, e nela o LIFE Lugo + Biodinámico exporá todos os beneficios que o proxecto está a aportar xa á veciñanza.

Os programas e información sobre ambas xornadas están dispoñibles na web organizadora, “Construyendo Economía Circular“.