A revista especializada Construction and Building Materials publica un artigo realizado polo Campus Terra da Universidade de Santiago de Compostela sobre o desenvolvemento e execución da gridshell do noso proxecto.

A gridshell do LIFE Lugo + Biodinámico, que se desenvolveu entre as universidades socias do proxecto, USC e Politécnica de Madrid e que foi galardonada no 2018 no prestixioso Congreso Mundial de Enxeñaría da Madeira celebrado en Seúl, é a primeira no mundo que emprega como material de construción a madeira de Eucalyptus globulus.

O artigo ao completo pode consultarse, previo pago, a través desta páxina web.