Este luns 29 de abril celebraremos no LIFE Lugo + Biodinámico a actividade seleccionada para a Semana Verde da UE xunto cos alumnos e alumnas do IES Poeta Díaz Castro de Guitiriz.

Nesta xornada, 50 rapaces e rapazas de 2º e 4º da ESO visitarán a zona de actuación das Gándaras, onde poderán observar as diferentes accións que se están a desenvolver na contorna, mediante un roteiro que os achegará á parcela adicada á silvicultura de frondosas, aos cultivos enerxéticos, ao souto, o Arboretum e ao humidal comprendido entre As Gándaras e O Ceao.

Este ano a Semana Verde da UE celebrarase entre os días 13 e 17 de maio, e estará dedicada á influencia das leis medioambientais nas nosas vidas. Estas leis son as encargadas de protexer a natureza, medir e mellorar a calidade da auga e do aire, fomentar iniciativas de reutilización e reciclaxe e garantir a mellora da vida dos cidadáns e cidadás de Europa. Malia celebrarse en maio, as actividades que os diferentes proxectos de compromiso medioambiental levan a cabo co gallo desta semana vanse desenvolver en diferentes datas ao longo de abril e maio de 2019.
De feito, seguindo esta labor de divulgación, nos meses teremos a visita de máis centros educativos da cidade e da provincia no marco do Foro Verde.